Translate

الثلاثاء، 18 فبراير 2020

خمس دقائق .. محمد ربيع

محمد ربيع

خمس دقايق

خمس دقايق مش اكتر
هاقولك فيهم كلمتين
انا علي البعد مش هاقدر
شوقي يزيدلك والحنين
ولو ف هجري بتفكر
افتكر حالنا من يومين
قبل ماتسمع وتتكدر
من عزول عليك بيأثر
ينسيك الراحه فين
***************
خمس دقايق مش اكتر
هاقولك فيهم كلمتين
راحتك هنا جوا قلبي
كان طريقك هو دربي
شفت الهنا يعلم  ربي
بنسي دموعي وانسي كربي
لما اشوفك ياكل حبي
وتشوفني بعنيك النعسانين
********************
خمس دقايق مش اكتر
هاقولك فيهم كلمتين
في حياتك كلها هتطوف
تتامل وشوش وتشوف
يمكن تعرف بعدي الوف
وكل واحده تقارنها بيا
لكن يا حبيبي ونور عنيا
زي دفا حضني ماهتشوف
*******************
خمس دقايق مش اكتر
هاقولك فيهم كلمتين
 انا دلوقتي بترجاك
اقضي العمر كله معاك
سنين عمري بتستناك
 يضمها حبك وهواك
لكن لو هتقدر على ُبعدي 
 وتكون سعيد قوي من بعدي
 ‏الف سلامه وقلبي معاك

M.R 
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)