Translate

الثلاثاء، 4 يونيو 2019

حسجة الجنوب .. رسول مطر

رسول مطر

""حسجة الجنوب""

ابجفاك عيوني تجري مو ماي دم
زلزال حبك وبروحي دم دم
الفرات اخلاف دجله مايه دم
كلما اكول انسى اتكلي اهواك !!!
…       …          …          …    …   …
نصحتك بالصدك وانت تضحك علي
وكلما ادفعك ع الزين اترد علي
مشحوف انا وانت روجه ترده علي
كلما اكول احبك تكول ناسيك
…   …      …      …       …   …  …  …
لفاج الفرح يا روحي عيدي
طفل انا وثوبه جديد عيدي
يا ايامنا الحلوه عودي عيدي
وشوفي هل وكت اشسوا بيه
…   …  …  …  …  …  …  …  …  …  …


البصره_العراق

ليست هناك تعليقات:

إرسال تعليق