علي محمد الحسني الحسني
ماكو احساب ..
ماكو حساب .. ياتاريخ عمري اشگد عليك تراب .
حفنة مستحه .. وكومة زعل وعتاب ..
دفتر يمحي دفتر .. والعمر ورقات ماصح خيط خوة ابطيات الكتاب ..
ماكو حساب .
مابين الأسف والكون تأجيلات يوم أيجيب يوم الأتفه الاسباب .
صعبة العيشة .. خايف لو صرت چذاب ..
صوتي او اذان غبشة وچفي دعوة خير ..
وادموعي حقيقة مذنب تاب
الزم ظهر أخوي شما يخون الناس واسرارة الخصوصيه احفظها بالسرداب .
بلبل - أدري صوتي الحانه مثل نوح لكن ما أبيعة ابصوت الف غراب ..
من طبعي الألم مايوم اعلم بيه .. مافك باب غيري وچفي غالگ الباب .
ظل مخفي الجرح يتلثم امن الناس . ينزف بس نزف بسكوت لمن طاب ..
أبيض لون دمي أبعيني شفت اللون نادر بالتطابق لو لفاه أصواب ..لا تتعجب امن الشيب وأنا زغير . شعري أنصبغ دم گلبي لمن شاب ..
صايم طول عمري وماصمت رمضان . شفت الناس تحسب للفطور أحساب
فلسفتي اشوف الناس شوف الغير .. رسام الورد ما ينگلب گصاب ..
جائز أختلف عن غيري بالعادات .. لكن مستحيل اتجاوز الأداب ..
اتمنى أعيش من بعد ما اموت .. وأحسن قدوة عندي الشاعر السياب
واحسن قدوة عندي الشاعر السياب . .؟؟
العراق
ماكو احساب ..
ماكو حساب .. ياتاريخ عمري اشگد عليك تراب .
حفنة مستحه .. وكومة زعل وعتاب ..
دفتر يمحي دفتر .. والعمر ورقات ماصح خيط خوة ابطيات الكتاب ..
ماكو حساب .
مابين الأسف والكون تأجيلات يوم أيجيب يوم الأتفه الاسباب .
صعبة العيشة .. خايف لو صرت چذاب ..
صوتي او اذان غبشة وچفي دعوة خير ..
وادموعي حقيقة مذنب تاب
الزم ظهر أخوي شما يخون الناس واسرارة الخصوصيه احفظها بالسرداب .
بلبل - أدري صوتي الحانه مثل نوح لكن ما أبيعة ابصوت الف غراب ..
من طبعي الألم مايوم اعلم بيه .. مافك باب غيري وچفي غالگ الباب .
ظل مخفي الجرح يتلثم امن الناس . ينزف بس نزف بسكوت لمن طاب ..
أبيض لون دمي أبعيني شفت اللون نادر بالتطابق لو لفاه أصواب ..لا تتعجب امن الشيب وأنا زغير . شعري أنصبغ دم گلبي لمن شاب ..
صايم طول عمري وماصمت رمضان . شفت الناس تحسب للفطور أحساب
فلسفتي اشوف الناس شوف الغير .. رسام الورد ما ينگلب گصاب ..
جائز أختلف عن غيري بالعادات .. لكن مستحيل اتجاوز الأداب ..
اتمنى أعيش من بعد ما اموت .. وأحسن قدوة عندي الشاعر السياب
واحسن قدوة عندي الشاعر السياب . .؟؟
العراق
ليست هناك تعليقات:
إرسال تعليق