حسني همام
**أصحاب السوء **
=============
(النص باللهجة العربية المصرية العامية )
أصحاب السوء ياصاحبي
ابعد عنهم
دول كل همهم يجيبوا رجلك
وتبقى واحد منهم
صعبان عليهم اللي هما فيه
وعايزين يخرجوا منه
لكن مش بايدهم
أصلهم زودوها أوى
لغاية مابقى الرجوع
صعب ومش ممكن
وقعوا في الإدمان و الرزيلة
وكانت البداية بايدهم
وده نتيجة إهمال أهلهم
أو انشغالهم عنهم
وتعويضهم بالفلوس الكتيرة
إللي افسدتهم
وخلتهم يعملوا حاجات غريبة
مش من عاداتهم خالص
ولا حتى من تقاليدهم
خرجوا عن مسارهم الصحيح
وضلوا طريقهم
بس للأسف ملحقوش نفسهم
وواصلوا بعنادهم
وضروا نفسهم اكتر ماضروا
ناس تانيين غيرهم
عايشين الوهم وفاكرين
إن الدنيا هتسيبهم
لأ دي الدنيا جبارة
واللي بيقع ويضيع
مبتسميش عليه أبدا
وبتسيبوا لحد مايسيبها
بيعيش حياته شبه إنسان
ومبيفقش أبدا خالص
إلا لما يخربها
وتحصل له مصيبة كبيرة
تقضي عليه وتدمر حياته
وتصيب اللي بيحبوه
بجزء كبير منها
أصلهم ياما نصحوه
وكان بيسد ودانه
علشان ميسمعش
نصيحة أي حد منهم
ودلوقتي أهو غرق
ويمكن كمان يغرقهم
ومن حقده على الكويسين
عايز يجيب رجلهم
وكمان يفضي جيوبهم
ويبقوا عالة على المجتمع
صعب التخلص منهم
ويعيشوا في الهوا سوا
مش حاسين بحاجة خالص
من اللي بيحصل حواليهم
أو بأي خطر ممكن يهددهم
ونهايتهم بتبقى سودة
مفيش ناس في الدنيا كلها
يتمنوها لأولادهم
ولا حتى لأولاد غيرهم
للسجن للموت للانتحار
للمرض اللي يصيبهم
وبالتأكيد بيكون الفشل
دايما علطول ملازمهم
لاحاضر ولا مستقبل
ولا أي أمل يحركهم
خلاص انتهت حياتهم
فياصاحبي خد بالك
وصحصح كويس أوي
لتبقى واحد منهم
وتضيع في الدنيا ديه
واللي حواليك تضيعهم
دي الحياة مرة واحدة
بس هنعيشها
فنعيشها صح الصح
قبل ما نسيبها
لأن اللي بيتكسر وبيتحطم
صعب أوي ياصاحبي يتصلح
جمهورية مصر العربية
8/8/2019
**أصحاب السوء **
=============
(النص باللهجة العربية المصرية العامية )
أصحاب السوء ياصاحبي
ابعد عنهم
دول كل همهم يجيبوا رجلك
وتبقى واحد منهم
صعبان عليهم اللي هما فيه
وعايزين يخرجوا منه
لكن مش بايدهم
أصلهم زودوها أوى
لغاية مابقى الرجوع
صعب ومش ممكن
وقعوا في الإدمان و الرزيلة
وكانت البداية بايدهم
وده نتيجة إهمال أهلهم
أو انشغالهم عنهم
وتعويضهم بالفلوس الكتيرة
إللي افسدتهم
وخلتهم يعملوا حاجات غريبة
مش من عاداتهم خالص
ولا حتى من تقاليدهم
خرجوا عن مسارهم الصحيح
وضلوا طريقهم
بس للأسف ملحقوش نفسهم
وواصلوا بعنادهم
وضروا نفسهم اكتر ماضروا
ناس تانيين غيرهم
عايشين الوهم وفاكرين
إن الدنيا هتسيبهم
لأ دي الدنيا جبارة
واللي بيقع ويضيع
مبتسميش عليه أبدا
وبتسيبوا لحد مايسيبها
بيعيش حياته شبه إنسان
ومبيفقش أبدا خالص
إلا لما يخربها
وتحصل له مصيبة كبيرة
تقضي عليه وتدمر حياته
وتصيب اللي بيحبوه
بجزء كبير منها
أصلهم ياما نصحوه
وكان بيسد ودانه
علشان ميسمعش
نصيحة أي حد منهم
ودلوقتي أهو غرق
ويمكن كمان يغرقهم
ومن حقده على الكويسين
عايز يجيب رجلهم
وكمان يفضي جيوبهم
ويبقوا عالة على المجتمع
صعب التخلص منهم
ويعيشوا في الهوا سوا
مش حاسين بحاجة خالص
من اللي بيحصل حواليهم
أو بأي خطر ممكن يهددهم
ونهايتهم بتبقى سودة
مفيش ناس في الدنيا كلها
يتمنوها لأولادهم
ولا حتى لأولاد غيرهم
للسجن للموت للانتحار
للمرض اللي يصيبهم
وبالتأكيد بيكون الفشل
دايما علطول ملازمهم
لاحاضر ولا مستقبل
ولا أي أمل يحركهم
خلاص انتهت حياتهم
فياصاحبي خد بالك
وصحصح كويس أوي
لتبقى واحد منهم
وتضيع في الدنيا ديه
واللي حواليك تضيعهم
دي الحياة مرة واحدة
بس هنعيشها
فنعيشها صح الصح
قبل ما نسيبها
لأن اللي بيتكسر وبيتحطم
صعب أوي ياصاحبي يتصلح
جمهورية مصر العربية
8/8/2019
ليست هناك تعليقات:
إرسال تعليق