شهود العهد .. مروان كوجر

مروان كوجر

شهود العهد

بعيد  ميلادي حكاية تقالت من زمان         
   بدايتها كنا اتنين نحلم ونتمنى الأمان
           نور  شعاع الأمل وشهد علينا  المكان
مشينا خطوينا وانكتب ماقدر الرحمن       
    سنين وحنين عشناها بأعذب الألحان
         الحب مالي قلوبنا وعشنا بهنى وحنان
فجأة ضاع الأمل وصار غريب المكان         
 غاب الفرح وبكينا واسودت الألوان
       لقينا خطوينا غاصت ببحر من الحرمان
مابقي غير الألم يعصرنا واتفرق الخلان       
صارت قلوبنا سودة وأصبحنا بلا عنوان
           كتر الحكي بينا وصار اللي كان وكان
يوم ميلادي رجع وياريت مارجع ولا كان     
  كلمتين تقالو بسطر ماكانو  بالحسبان
             ضاعت أماني الفرح وبديت الأحزان
بعيونهم شفت الأسى وتاهت الاوطان       
     بكيت عيون الندم وانهال هل البنيان
    صرخ القلب مذهول من نبض هل الشريان
حسيت بنار القهر شو ذنب هل الغلمان         
صغار فقدوا الحنان رح ياخدوا الإحسان 
       نزفت عنيهم تشتكي مين يدفع الأثمان
شهود كانو علعهد مالهم ذنب ولا كان         
       نور بعنيهم طفى وأظلمت أوطان
          تمنيت أصحى من حلم ياخد الأحزان
كلمة تقالت وعد رح يرجع البنيان             
ونطرت فرحه غابت من عينينا زمان   
          مع إني عارف لحظتى بداية الحرمان
تفرق طريقنا وضاع وأصبحنا بلا أوطان     
  والتقينا إتنين بغربة وكأنو ماجمعنا مكان
       ياخسارة ضاع الأمل وأصبحنا بلا عنوان