في حد يصلح ما بينا .. عبد المنعم حمدي رضوان

عبد المنعم حمدى رضوان

فى حد يصلح مابينا

انا اللى كتمنى الزمن
 مقدرت اتنفس
ويوم زعل وانقمص
لما شافنى بتبسم
ولما حاولت اراضيه
 و احايله واتاسف
قال الزمن مستحيل
  الوئام ولا بد تتالم
طب ليه الجراح يا زمن
 قال لى بتتفلسف
قلت من الالم بشتكي
 قال وكمان بتتظلم
ولما ساق العوج
وخاصمنى واتبغدد
بطلت اخد وادى معاه
واعاتبه واتكلم
فى حد يدخل
ويصلح مابينا
وانا  بتعهد ارفع الرايه
 البيضا  واستسلم